«A muller é o motor da creación»

Continúan publicándose magnificas críticas e entrevistas arredor da estrea de Con el viento. Neste caso facémonos eco da conversa entre a xornalista Beatriz Martínez (El Periódico) e a cineasta Meritxell Colell Aparicio, con suxestivas reflexións sobre o abandono do rural, a volta ás orixes ou o imaxinario feminino que conduce a acción e as emocións do filme.

Beatriz Martínez

Con el viento fala das ruínas do noso pasado, dun mundo que desaparece. Coido que non se lle deu suficiente voz no noso país ao mundo rural e a súa desaparición. O pobo que aparece no filme é o dos meus avós maternos, na zona de Las Loras, ao norte de Burgos, e eu fun testemuña desde pequena de como se ía perdendo un modo de vida. Toda a sabedoría da xeración dos nosos avós hase perder. Eles tiñan outra relación co mundo, coa natureza. E eu quería captar ese espazo e a súa esencia.

(...) Sempre tivo claro que ía ser unha historia enteiramente feminina? Sempre foi así, saiu de forma inconsciente, aínda é certo que a través da morte do pai/marido, esa ausencia masculina convértese nunha presenza moi forte e é o detonante de moitos conflitos e tamén de reconciliacións. Pero eu queríame centrar na relación nai e filla, que coido que é única. E sobre a herdanza desa relación. O meu imaxinario é enteiramente feminino, porque veño dunha familia na que dominan as mulleres. Logo intelectualizas isto e decátaste de que todos os alicerces son femininos: a casa, a nai, a terra, as raíces. E isto non é en van, a muller é o motor da creación.

Consulta a entrevista completa aquí.

Outras novas

  • Penúltima das fermosas notas produción elaboradas por Nobuhiro Suwa que explican moitos dos achádegos d'O león dorme esta noite. Nesta ocasión fálanos dos talleres cos mozos realizadores da película e a máxica aparición de Jean-Pierre Léaud.

  • No seu número de setembro, a revista Caimán Cuadernos de Cine publica unha listaxe na que Oliver Laxe revela cales son os dez filmes da súa vida. Un top ten para tomar nota e gozar das obras mestras que inspiraron o autor d'O que arde.