Xa á venda a edición especial de «O león dorme esta noite» con 2 DVD + Libro

Xa podedes adquirir en tendas de todo o país a coidada edición especial d'O león dorme esta noite, última obra do xenial director xaponés Nobuhiro Suwa, estreada en salas españolas por NUMAX Distribución.

A edición inclúe o filme do gran director nipón subtitulado en español e galego, o seu tráiler oficial para España e unha estupenda selección de extras cos seguintes contidos:

  • A casa do terror, curtametraxe elaborada polos rapaces e rapazas participantes no filme.
  • Gravación das probas de cásting con Jean-Pierre Léaud e os nenos.
  • Masterclass ofrecida por Nobuhiro Suwa no Festival de San Sebastián de 2017.

Este espléndido pack complétase cun libro de 96 páxinas que inclúe catro textos de Nobuhiro Suwa:

  • Notas de produción do filme.
  • Polas posibilidades dun cinema que quizais ninguén precise.
  • Ola, Léaud!
  • Tratamento de guión d'O león dorme esta noite.

 

Outras novas

  • No seu número de setembro, a revista Caimán Cuadernos de Cine publica unha listaxe na que Oliver Laxe revela cales son os dez filmes da súa vida. Un top ten para tomar nota e gozar das obras mestras que inspiraron o autor d'O que arde.

  • Ao seu paso polo Festival de San Sebastián O león dorme esta noite deixou prendado a boa parte de público e crítica. Aquí tedes as primeiras impresións tras o visionado de Luis Martínez para El Mundo.

Utilizamos cookies para mellorar os nosos servizos. Se continúas navegando, consideramos que aceptas o seu uso.

OK