Pedro Costa

Pedro Costa (Lisboa, 1959) estuda na Escola Superior de Teatro e Cinema de Lisboa onde recibe aulas de António Reis, un histórico do cinema portugués e influencia confesa do cineasta. Na súa primeira longametraxe, O Sangue (1989), anuncia xa algunhas das súas características esenciais, cunha linguaxe austera e aberto á experimentación e un marcado laconismo narrativo. A súa segunda obra, Casa de Lava (1994), estréase no Festival de Cannes e nela ten lugar unha primera aproximación á comunidad de inmigrantes procedente das antigas colonias portuguesas. Xa en 1997, inaugura unha inesquecible triloxía sobre o barrio de Fontainhas, en Lisboa, habitado maioritariamente por inmigrantes caboverdianos. A obra de Costa experimenta aquí unha profunda transformación que o leva a abandonar o dispositivo clásico de Ossos (1997) e optar por unha pequena cámara de vídeo para gravar No cuarto de Vanda (2000), a súa primeira obra mestra, multipremiada en festivais como Cannes, Locarno, Yamagata ou Cinéma du Réel, da que se cumpre agora o 20º aniversario. Xuventude en marcha (2006) compite na Sección Oficial de Cannes e nela emerxe a figura de Ventura, obreiro caboverdiano xubilado que será tamén protagonista de Cabalo diñeiro (2014), Leopardo a Mellor Dirección en Locarno.

Na rodaxe de Cabalo diñeiro, estreada en España por NUMAX Distribución, Pedro Costa coñece unha muller, viúva dun emigrante caboverdiano, cuxa sobrecolledora historia e monumental presenza dan lugar a Vitalina Varela (2019). Tras gañar o Leopardo de Ouro a mellor filme e mellor actriz en Locarno e conquistar a crítica especializada de todo o planeta, chega ás salas españolas a obra cumio dun dos maiores cineastas do noso tempo.

Imaxe: Óscar Fernández Orengo

Filmes